Haustfundur ferðaþjónustunnar er árlegur vettvangur þar sem ferðaþjónustuaðilar á Austurlandi koma saman, fræðast, miðla reynslu og efla tengsl sín á milli. Í ár verður fundurinn haldinn á Seyðisfirði og að venju verður dagskráin fjölbreytt.

Á fundinum verður litið yfir árið sem er að líða, farið yfir áherslur í markaðssetningu og nýjar leiðir til að ná til ferðamanna. Þá verður sjónum beint að því hvernig hægt er að halda áfram að styrkja ferðaþjónustu á Austurlandi og efla landshlutann sem áfangastað allt árið um kring.

Nánari upplýsingar, dagskrá haustfundar ferðaþjónustunnar og skráningu má finna á vef Visit Austurland.

Tilnefningar til Klettsins og Frumkvöðulsins

Í tengslum við haustfund ferðaþjónustunnar er óskað eftir tilnefningum til Klettsins og Frumkvöðulsins, hvatningarverðlauna ferðaþjónustunnar á Austurlandi.

Kletturinn er viðurkenning til þeirra sem um árabil hafa staðið í framlínu ferðaþjónustu á Austurlandi og með ósérhlífni og eljusemi stuðlað að framgangi og vexti atvinnugreinarinnar.

Frumkvöðullinn er viðurkenning til þeirra sem sýna áræðni og hugmyndaauðgi við uppbyggingu þjónustu fyrir ferðamenn og stuðla með verkum sínum að aukinni fjölbreytni í ferðaþjónustu á Austurlandi.

Tilnefndu til Klettsins eða Frumkvöðulsins hér.