Ertu með hugmynd að verkefni sem gæti stuðlað að bættu umhverfi, verndun náttúrunnar eða hreinum orkuskiptum?

Fimmtudaginn 15. október heldur Rannís námskeið um LIFE-áætlun Evrópusambandsins hjá Austurbrú á Egilsstöðum. Námskeiðið stendur frá kl. 9–12 og er ætlað öllum sem hafa áhuga á að sækja um styrki úr áætluninni.

LIFE er styrkjaáætlun ESB á sviði umhverfis- og loftslagsmála. Hún styður meðal annars verkefni sem snúa að náttúruvernd og líffræðilegri fjölbreytni, hringrásarhagkerfi, aðgerðum gegn loftslagsbreytingum og hreinum orkuskiptum. Áhersla er lögð á að þróa og innleiða lausnir sem skila raunverulegum árangri.

Á námskeiðinu verður farið yfir umsóknarferlið, helstu atriði sem þarf að hafa í huga við umsóknarskrif og gerð fjárhagsáætlana. Námskeiðið hentar jafnt þeim sem eru með ómótaða verkefnahugmynd og þeim sem þegar hafa þróað samstarfsverkefni.

Eftir hádegi gefst jafnframt kostur á að bóka einstaklingsfund með landstengiliðum LIFE hjá Rannís til að ræða mögulegar umsóknir. Fundi má bóka með tölvupósti á [email protected].

Námskeiðið fer fram á íslensku, er öllum opið en skráning er nauðsynleg. 

• Skráning á námskeið
• Viðburður á Facebook