Breytingar á lögum
Í janúar 2023 urðu breytingar á lögum um meðhöndlun úrgangs sem juku kröfur um úrgangsforvarnir, flokkun og endurvinnslu.
Í kjölfarið hófu sveitarfélög á Austurlandi sameiginlega vinnu við svæðisáætlun í úrgangsmálum. Verkefnið var unnið undir verkefnastjórn Söru Elísabetar Svansdóttur með ráðgjöf frá Stefáni Gíslasyni hjá Environice.
Svæðisáætlun um meðhöndlun úrgangs
Sumarið 2025 samþykktu sveitarfélögin á Austurlandi svæðisáætlun um meðhöndlun úrgangs sem gildir til ársins 2035. Um er að ræða fyrstu heildstæðu áætlunina á þessu sviði sem unnin er í sameiningu af öllum sveitarfélögunum fjórum í landshlutanum. Austurbrú og Samband sveitarfélaga á Austurlandi (SSA) aðstoðuðu við gagnaöflun og samhæfingu í ferlinu. Áætlunin byggir á lögum um meðhöndlun úrgangs og markmiðum um úrgangsforvarnir og hringrásarhagkerfi. Í henni er lögð áhersla á að draga úr myndun úrgangs, auka endurnýtingu og endurvinnslu og tryggja að sem minnst afgangsefni fari til urðunar.
Úrgangsráð Austurlands
Áætlunin skilgreinir aðgerðir en sú fyrsta er stofnun Úrgangsráðs sem hvert sveitarfélag skipar í einn aðal- og varafulltrúa. Úrgangsráðið, ásamt hringrásarfulltrúa Austurbrúar sjá um það samstarf sem aðgerðakafli svæðisáætlunarinnar kveður á um.
Múlaþing
Stefán Aspar Stefánsson, aðalfulltrúi
Fjarðabyggð
Erla Margrét Gunnarsdóttir, aðalfulltrúi
Fljótsdalshreppur
Halla Auðunardóttir, varafulltrúi
Guðni Jónsson, aðalfulltrúi
Vopnafjarðarhreppur
Bjartur Aðalbjörnsson, aðalfulltrúi
