Grunnnámskeið í Excel þar sem þátttakendur læra að setja upp og vinna með töflur, nota einfaldar formúlur og algeng reikniföll, forsníða gögn og búa til myndrit. Einnig verður farið yfir flokkun gagna, tilvísanir í reiti, sniðmát og ýmsar flýtiaðgerðir sem einfalda vinnu í Excel.

Athugið: Námskeiðið er eingöngu ætlað starfsfólki Eimskips og er skráningarfrestur til 1. nóvember 2026.

Markmið 

Í lok námskeiðs getur þátttakandi 

• Nýtt sér Excel til gagns 

• Unnið með töflur og einfaldar formúlur 

Viðfangsefni 

Þátttakendur munu læra: 

• að setja upp töflur til úrvinnslu 

• að búa til formúlur með reikniaðgerðunum fjórum, samlagningu, frádrætti, margföldun og deilingu 

• að setja upp eigin reikningsdæmi til einfaldra útreikninga 

• að nota nokkur innbyggð reikniföll (AutoSum, Average, Max, Min, Count, If ofl.) 

• að forsníða reiti, t.d. fjölda aukastafa, gjaldmiðilsmerki, dagsetninga- og tímaútlit og fleiri aðgerðir í „Format/Cells“ 

• að útlitsmóta töflur og að nota sjálfvirka útlitsmótun taflna 

• að raða gögnum vinnuskjals í stafrófsröð og/eða eftir stærð (Sort) 

• að nota fastar og afstæðar tilvísanir í reiti og að afrita formúlur í reitum 

• að búa til og breyta myndriti 

• ýmsar flýtiaðgerðir og flýtivinnslu í Excel 

• að nýta sér forsniðin sniðmát í Excel