Á námskeiðinu er lögð áhersla á hagnýta verkefnastjórnun með Planner og To Do í M365. Tólin nýtast bæði til að halda utan um eigin verkefni og til samstarfs í teymum þar sem unnið er markvisst að sameiginlegum markmiðum. Markmiðið er að þátttakendur öðlist skýra yfirsýn yfir möguleika beggja tóla og geti nýtt þau á skilvirkan hátt í starfi og daglegu skipulagi.

Planner

Planner er „kanban“-verkefnastjórnunartól fyrir teymi. Þar má setja upp áætlanir, úthluta verkþáttum, skilgreina tímamörk og fylgjast með framvindu verkefna á einfaldan og skýran hátt. Farið er yfir:

• Uppsetningu á áætlunum (plans) og borðum (boards)
• Verkefni (tasks), fötur (buckets) og kort (cards)
• Tékklista, viðhengi, myndir og hlekki
• Yfirsýn með töflum (charts) og tímaáætlun (schedule)
• Eftirfylgni: staða verkefna, tímamörk og verkaskipting
• Samspil við Teams og Outlook

To Do

To Do er einstaklingsmiðað skipulagstól sem hjálpar notendum að halda utan um dagleg verkefni. Það er aðgengilegt í Outlook og sem smáforrit í síma. Farið er yfir:

• Uppsetningu lista og verkefna
• „My Day“ og daglega forgangsröðun
• „Assigned to you“ og tengingu við M365
• Samspil við Outlook Tasks og „flagged“ tölvupósta
• Áminningar, glósur og stillingar

Lengd námskeiðs:  3 klukkustundir

Tímasetning: 21. maí kl. 10:00

Kennari: Atli Þór Kristbergsson

Staðsetning: Stofa 1 í Verkmenntaskóla Austurlands

Fyrir hverja: Starfsfólk á skrifstofu, stjórnendur og sérfræðinga

Skráningarfrestur: 15. maí