• 1. sep. 2026 - 24. nóv. 2026
  • Austurland

Austurbrú stendur fyrir fundaröðinni Orkuskot á fimm stöðum á Austurlandi haustið 2026. Fundaröðin er hluti af Eyglóarverkefni Austurbrúar.

Á fundunum verða ólík orkutengd málefni tekin fyrir á aðgengilegan og hagnýtan hátt. Meðal þess sem fjallað verður um eru rafmagnsreikningurinn, orkuöflun og orkusjálfstæði, orkuskipti í bílasamgöngum og þriggja fasa rafmagn.

Rafvæðing smábáta – LOKIÐ

1. september kl. 16:00 í Tónspili, Neskaupstað.
Kolbeinn Óttarsson Proppé, framkvæmdastjóri Grænafls

Orkuöflun og orkusjálfstæði – LOKIÐ

22. september kl. 12:00 í Miklagarði, Vopnafirði.
Teymi orkuskipta og orkunýtni hjá Umhverfis- og orkustofnun

Rafmagnsreikningurinn

13. október – Gunnar Þór Sigurbjörnsson, þjónusturáðgjafi hjá RARIK, ræðir um rafmagnsreikninginn, hvernig best er að lesa hann og hvaða þætti hans fólk getur haft áhrif á.

Þriggja fasa væðing

3. nóvember – Guðmundur Hólm Guðmundsson, sérfræðingur hjá RARIK, fjallar um þriggja fasa væðingu og hvað breytist þegar svæði fær þriggja fasa rafmagn.

Rafmagnsbílar og orkuskipti í bílaflotanum

24. nóvember – Starfsmaður teymis orkuskipta og orkunýtni hjá Umhverfis- og orkustofnun fjallar um rafmagnsbíla og orkuskipti í bílaflotanum. Teymið vinnur að því að styðja við orkuskipti á Íslandi, draga úr notkun jarðefnaeldsneytis og stuðla að skynsamlegri nýtingu orkuauðlinda landsins.

Erindi fundanna verða tekin upp og birt á miðlum Austurbrúar síðar. Samhliða verður birt „Spurt og svarað“ þar sem farið verður yfir helstu spurningar sem koma upp á hverjum fundi.