Menningarverðlaun SSA

Viðurkenning fyrir eftirtektarvert framtak

Verðlaunin eru veitt einstaklingi, stofnun eða samtökum á Austurlandi sem viðurkenning fyrir eftirtektarvert framtak á sviði lista og menningar. Hlutverk verðlaunanna er einnig að vera almenn hvatning til eflingar menningar- og listastarfs í landshlutanum. Ákvörðun um verðaunahafa er tekin af stjórn SSA að fengnum tilnefningum. Verðlaunin eru afhent á aðalfundi sambandsins.

Verðlaunin eru í formi heiðursskjals, sem formaður stjórnar SSA undirritar. Verðlaununum fylgir einnig peningaupphæð sem stjórn SSA ákveður hverju sinni.

Menningarverðlaun SSA

Verðlaunin verða veitt einstaklingi, stofnun eða félagasamtökum á Austurlandi fyrir eftirtektarvert framtak á sviði menningar á undanförnum árum/áratugum eða einstakt menningarafrek sem er öðrum fyrirmynd. Verðlaunin eru í formi verðlaunafjár að upphæð 250.000 kr. og heiðursskjals sem afhent er á haustþingi SSA.

Auglýst eftir tilnefningum árlega

Veita má fleiri en ein verðlaun hverju sinni, telji stjórn SSA að fleiri en einn aðili hafi skarað fram úr og þannig verðskuldað verðlaunin það ár. Stjórnin ákveður þá hvort um tvenn eða fleiri aðalverðlaun er að ræða eða ein aðalverðlaun og ein eða fleiri aukaverðlaun. Á sama hátt má fella niður verðlaunaveitingu komist stjórnin að þeirri niðurstöðu að enginn aðili hafi unnið til þeirra. Stjórn SSA auglýsir eftir tilnefningum til menningarverðlauna ár hvert. Einstaklingar, félög og stofnanir skrásett á Austurlandi eiga rétt á að senda inn tilnefningar en stjórnin er ekki bundin af þeim í ákvörðun sinni um val á verðlaunahöfum.