NATALIE
NATALIE er evrópskt samstarfsverkefni sem miðar að þróun og innleiðingu náttúrumiðaðra lausna til að auka viðnámsþrótt samfélaga gagnvart loftslagsbreytingum. Verkefnið styður svæði við að greina loftslagstengdar áskoranir, móta aðgerðir í samvinnu við heimafólk og samþætta lausnir í stefnumótun og skipulag. Austurbrú tekur þátt fyrir hönd Austurlands og leiðir vinnu við samhæfingu, þátttöku hagsmunaaðila og tengingu verkefnisins við svæðisskipulag og aðrar áætlanir. Með NATALIE eflast staðbundin þekking, samvinna og framkvæmdahæfni í loftslagsaðlögun.
Nánar
Pathways2Resilience (P2R)
P2R er eitt stærsta verkefni Evrópusambandsins á sviði loftslagsaðlögunar og styður svæði við að byggja upp langtímamiðaða seiglu gagnvart loftslagsvá. Austurland var valið til þátttöku í verkefninu árið 2026 og leiðir Austurbrú verkefnið fyrir hönd landshlutans. Þátttakan felur í sér 18 mánaða ferli þar sem mótuð verður heildstæð loftslagsaðlögunarstefna ásamt aðgerða- og fjárfestingaáætlun, með stuðningi sérfræðinga, jafningjanámi og miðlun þekkingar milli evrópskra svæða. Verkefnið er styrkt af Horizon Europe og styður innleiðingu Græna sáttmála Evrópusambandsins.
Nánar
The HuT: The Human-Tech Nexus
The HuT: The Human-Tech Nexus er samstarfsverkefni Austurbrúar, Veðurstofa Íslands og Almannavarnir sem snýr að upplýsingamiðlun og öryggi í náttúruvárum. Verkefnið vinnur með samfélög á áhættusvæðum, sérstaklega á Seyðisfirði, til að þróa heildstæða upplýsingagátt á vef þar sem almenningur finnur upplýsingar um hættur vegna ofanflóða, fræðsluefni fyrir börn og upplýsingar um mælitæki sem notuð eru til vöktunar. Austurbrú gegnir hlutverki sem tengiliður milli yfirvalda og íbúa í vinnslu og miðlun upplýsinga í þessu tilraunarverkefni.
Eldri verkefni
Í gagnasafni Austurbrúar má finna yfirlit yfir eldri rannsóknar- og þróunarverkefni sem stofnunin hefur tekið þátt í eða haft aðkomu að á undanförnum árum. Þar eru varðveittar upplýsingar um verkefni sem hafa lagt grunn að nýrri þekkingu, aukinni greiningu og þróun á ólíkum sviðum, allt frá samfélags- og byggðaþróun til náttúruvár, loftslagsmála og tæknilausna. Gagnasafnið veitir innsýn í þá vinnu sem þegar hefur farið fram og getur nýst sem uppspretta fróðleiks, samanburðar og innblásturs fyrir áframhaldandi verkefni og stefnumótun.
Gagnasafn
