Haustþing SSA 2026
Samband sveitarfélaga á Austurlandi fagnaði 60 ára afmæli á árinu og setti afmælið svip sinn á þingið. Meðal dagskrárliða var fjallað um 60 ára sögu SSA, skattspor Austurlands og ímynd landshlutans, auk hefðbundins málefnastarfs þingsins. Á hátíðarkvöldverði voru menningarverðlaun SSA jafnframt afhent og heiðursgestur sambandsins kynntur.
Haustþing SSA er stærsti árlegi viðburður sambandsins. Þar koma saman kjörnir fulltrúar sveitarfélaganna til umræðu og málefnastarfs um helstu hagsmunamál Austurlands. Þingið er mikilvægur vettvangur samráðs og sameiginlegrar stefnumótunar sveitarfélaganna.
Á haustþingi er unnið að ályktun þar sem helstu áherslur sveitarfélaganna eru dregnar saman og skilaboðum komið á framfæri við stjórnvöld um helstu hagsmuna- og baráttumál landshlutans.
Haustþing SSA er fulltrúafundur. Til þingsins eru boðaðir aðalmenn í sveitarstjórnum á starfssvæði SSA, varamenn þeirra og aðrir boðsgestir.
Nánar
Aðal- og ársfundur 2026
Aðalfundur Sambands sveitarfélaga á Austurlandi (SSA) og ársfundur Austurbrúar ses. fóru fram á Fáskrúðsfirði 20. mars 2026, þar sem farið var yfir starfsemi liðins árs, fjárhag og helstu áherslur til framtíðar. Á fundunum var m.a. fjallað um 60 ára afmæli SSA, samþykktar breytingar á samþykktum sambandsins og kynnt víðtæk starfsemi Austurbrúar á sviði atvinnuþróunar, menntunar og samfélagsmála. Þá var lögð áhersla á mikilvægi samvinnu og áframhaldandi uppbyggingu innviða og verkefna á Austurlandi.
Smelltu á nánar og fáðu frekari upplýsingar um fundina, fundargögn, fundargerðir, ljósmyndir og fleira.
Nánar
Um SSA
Samband sveitarfélaga á Austurlandi (SSA) er samstarfsvettvangur sveitarfélaganna á Austurlandi og sameiginleg rödd þeirra gagnvart ríki og öðrum hagsmunaaðilum. Starf SSA byggir á sameiginlegri framtíðarsýn sveitarfélaganna eins og hún er mótuð í Svæðisskipulagi Austurlands og Sóknaráætlun Austurlands.
Í starfi sínu styðst SSA jafnframt við fagleg gögn og greiningar, þar á meðal efnahagsgreiningu Austurlands, til að varpa ljósi á stöðu landshlutans, umfang verðmætasköpunar og forsendur uppbyggingar.
Á þessum grunni vinnur SSA að fjölbreyttum hagsmunamálum Austurlands með það að markmiði að tryggja sjálfbæra þróun, jafnræði til búsetu og bætt lífsgæði íbúa.
Austurbrú annast daglegan rekstur SSA á grunni þjónustusamnings.
Nánar
Svæðisskipulag Austurlands 2022 - 2044
Svæðisskipulag Austurlands 2022–2044 er sameiginleg framtíðarsýn Fjarðabyggðar, Fljótsdalshrepps, Múlaþings og Vopnafjarðarhrepps. Markmið þess er að samræma stefnu sveitarfélaganna á sviði umhverfis, efnahags, samfélags og menningar og tryggja sjálfbæra þróun í þágu núverandi og komandi kynslóða. Það er langtíma stefnumarkandi áætlun sem á að framfylgja með skipulagsáætlunum hvers sveitarfélags og öðrum svæðisbundnum áætlunum. Svæðisskipulagið skilgreinir helstu áskoranir, sameiginleg gildi og framtíðarsýn sem sveitarfélögin vinna að sameiginlega.
Nánar
Sóknaráætlun Austurlands 2025 - 2029
Sóknaráætlun Austurlands 2025 – 2029 markar stefnu og markmið fyrir þróun Austurlands næstu fimm árin. Alls eru 39 markmið sem varða allt frá samgöngum, loftslags- og heilbrigðismálum, til menntunar, nýsköpunar og ferðaþjónustu. Sóknaráætlunin er tengd Svæðisskipulagi Austurlands.
Nánar
Efnahagslegt framlag Austurlands - kynning 2026
Greiningin Hverju skilar Austurland til íslenska hagkerfisins? var unnin af Kontext ehf. fyrir Samband sveitarfélaga á Austurlandi. Markmið hennar er að varpa ljósi á efnahagslegt mikilvægi Austurlands, annars vegar með því að skoða einkenni og umfang atvinnulífsins í samhengi við landið í heild og hins vegar tekjur og gjöld ríkissjóðs sem rekja má til landshlutans.
Kynning Kontext - Haustþing SSA 2026
Efnahagsgreining Austurlands 2023 og 2025
Skýrslan Efnahagsumsvif Austurlands 2025 var unnin af ráðgjafafyrirtækinu Analytica fyrir Samband sveitarfélaga á Austurlandi. Þetta er önnur efnahagsgreiningin sem framkvæmd er af sama ráðgjafafyrirtæki fyrir landshlutann og byggir hún á gögnum frá Hagstofu Íslands, ársreikningum fyrirtækja ásamt frekari útreikningum og greiningu Analytica. Þær sýna með skýrum hætti að atvinnulífið á Austurlandi skilar miklum tekjum til íslensks samfélags og býr yfir fjölmörgum vaxtartækifærum.
