Menning sem drifkraftur
Í menningarmálum er leggur Austurbrú áherslu á að styrkja Austurland sem lifandi og skapandi samfélag þar sem listir, menningararfur og nýsköpun fara saman. Markmiðið er að efla aðgengi íbúa að fjölbreyttu menningarlífi, styðja við skapandi greinar sem burðarstoð atvinnulífs og byggðafestu og skapa öflugt samstarf menningarstofnana, atvinnulífs og sveitarfélaga. Menning verði þannig bæði grunnþáttur í lífsgæðum íbúa og lykill að aðdráttarafli landshlutans til búsetu og heimsókna.
Menningarstarf á Austurlandi
Starfsmenn Austurbrúar sinna mismunandi verkefnum á sviði menningar í landshlutanum og út fyrir hann. Talsverður þáttur í þeirri vinnu er ýmis konar samstarf við sveitarfélög, menningarstofnanir og landshlutasamtök. Þá er ráðgjöf og hvatning til starfandi listamanna í landshlutanum hluti af starfinu og listamenn víða að leita til Austurbrúar til að mynda tengsl á Austurlandi. Hjá Austurbrú er menningin hluti af áfangastaðauppbyggingu Austurlands auk þess sem starfsmenn í menningarmálum koma að uppbyggingu matarmenningar í landshlutanum.
Samstarf um menningu
Hjá Austurbrú er menningin hluti af áfangastaðauppbyggingu Austurlands auk þess sem starfsmenn í menningarmálum koma að uppbyggingu matarmenningar í landshlutanum. Samstarf menningarmiðstöðvanna þriggja er leitt af Austurbrú auk samstarfs við verkefni eins og List fyrir alla og margra annara verkefna í lengri eða styttri tíma.
BRAS
Stóra verkefni Austurbrúar í menningarmálum síðustu árin er uppbygging og skipulag BRAS-menningarhátíðar barna og ungmenna á Austurlandi. Þá er unnið að því að efla og skipuleggja Daga myrkurs sem fara fram árlega í byrjun nóvember. Bæði þessi verkefni kalla á öflun fjármagns í gegnum sjóði, sveitarfélög og fyrirtæki og er sú vinna á höndum Austurbrúar, auk verkefnastjórnar og allrar umsýslu þótt að samstarfsaðilarnir séu margir og stefnumörkun sé í höndum stýrihópa verkefnanna.
Bras.is
Dagar myrkurs
Dagar myrkurs eru sameiginleg hátíð alls samfélagsins á Austurlandi sem hefur það að markmiði að hvetja til samveru íbúa. Hátíðin hefur sterka tengingu við íslenska og keltneska siði frá fornri tíð og er haldin í kringum mánaðarmótin október/nóvember.
Dagar myrkurs á Facebook
