Mikilvægt lýðheilsuverkefni
Austurbrú er þátttakandi í Erasmus verkefninu „Líf og heilsa“. Verkefnið snýst um heilsueflingu fullorðinna og er byggt í kringum námskrá Fræðslumiðstöðvar atvinnulífsins „Líf og heilsa – lífsstílssþjálfun“. Verkefnið snýst í stuttu máli um heilsueflingu og lífsstílsþjálfun fullorðinna. Markmiðið er að skapa vettvang fyrir heilsueflingu, auka þekkingu og vitund um langvinna sjúkdóma (NCDs) og lífsstílstengda áhættuþætti þeirra, stuðla að betra heilsulæsi og hvetja einstaklinga til heilbrigðs lífsstíls.
Heimasíða verkefnisins
Alþjóðlegt samstarf
Líf og heilsa er samstarfsverkefni tengt fullorðinsfræðslu í þremur löndum, styrkt af Erasmus+ áætlun Evrópusambandsins. Þátttökuþjóðirnar eru þrjár: Ísland, Noregur og Ítalía. Samstarfsaðilar verkefnisins eru á Íslandi SÍBS og Austurbrú, LHL í Noregi og CESIE fá Ítalíu.
Líf og heilsa - hlaðvarp
Ný tækifæri til heilsueflingar
Verkefnið var til tveggja ára og lauk vorið 2020. Til stóð að halda lokaráðstefnu um mitt árið en af henni varð ekki sökum heimsfaraldurs COVID-19. Þess í stað voru útbúnar stuttar kynningar á helstu afurðum verkefnisins nálgast má á heimasíðu SÍBS. Verkefninu hefur hvarvetna verið vel tekið og er það von samstarfsaðila að með tilkomu nýrrar námskrár, opins og aðgengilegs námsefnis og leiðbeinendaþjálfunar skapist ný tækifæri fyrir þau sem vilja bæta heilsu og líðan með breyttum lífsstíl.
Líf og heilsa - Lokaráðstefna
Nánari upplýsingar
Hrönn Grímsdóttir
