Á Kvenréttindadaginn 19. júní, fékk Austurbrú góða gesti frá Framvegis – systurstofnun innan Símenntar  fræðslu- og símenntunarmiðstöðva í heimsókn.

Framvegis símenntunarmiðstöð starfar á höfuðborgarsvæðinu og er í eigu tveggja stéttarfélaga, Sameykis, stéttarfélags í almannaþjónustu, og Sjúkraliðafélags Íslands.

Markmið heimsóknarinnar var að efla tengsl og skapa vettvang til að læra hvert af öðru. Fræðsluteymi Austurbrúar tók á móti hópnum á starfsstöðinni á Egilsstöðum, þar sem starfsemi Austurbrúar var kynnt.

Þaðan lá leiðin til Reyðarfjarðar, þar sem gestirnir kynntu sér kennslu og námsaðstöðuna þar og helstu verkefni. Deginum lauk svo með fundi í Múlanum í Neskaupstað, þar sem farið var yfir helstu verkefni beggja aðila og ræddar sameiginlegar áskoranir á borð við aðgengi að námi, markhópa, rafræna fræðslu og samstarf við atvinnulíf.

Eftir formlega dagskrá tók við skoðunarferð út að vita og að snjóflóðavörnum í nágrenni Neskaupstaðar. Þar á eftir skellti hópurinn sér í kayakferð og snæddi síðan saman kvöldverð.

Dagurinn var fjölbreyttur, fræðandi og skemmtilegur – dýrmætur vettvangur til að styrkja tengsl og finna leiðir til að vinna saman að öflugri fræðslustarfi. Við hjá Austurbrú þökkum starfsfólki Framvegis kærlega fyrir komuna og hlökkum til áframhaldandi samstarfs.