Í kjölfar óveðurs á Austurlandi
Austurbrú og SSA vill koma á framfæri þakklæti til allra viðbragðsaðila í björgunarstörfum á Austurlandi fyrir mikla og óeigingjarna vinnu við erfiðar aðstæður í óveðrinu undanfarna daga. Allir þeir sem vaktina stóðu unnu þrekvirki og er þakkað fyrir ómetanleg störf við að tryggja öryggi fólks og lágmarka tjón víða um landshlutann.
Ljóst er að tjón af völdum veðursins er verulegt og raunverulegt umfang þess mun koma í ljós næstu daga. Þá er framundan vinna hjá fjölmörgum aðilum við að fara yfir atburðarásina, meta áhrifin og greina hvaða úrbóta er þörf. Raforkuinnviðir á norðausturhluta landsins brugðust og ljóst að grípa þarf til ráðstafana til að tryggja þá enn frekar.
Á svona stundum birtist styrkur samfélagsins á Austurlandi þar sem íbúar hjálpast að við að takast á við náttúruöflin sem og afleiðingar þess.
AUSTURLAND – STERKT SAMFÉLAG
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
