Á síðasta stjórnarfundi SSA, sem haldinn var í Múlaþingi þann 16. apríl, var eftirfarandi bókun um samgöngumál á Austurlandi lögð fram og samþykkt af stjórn:
„SSA tekur undir þær ályktanir vegna samgöngumála sem nýverið hafa komið frá sveitarstjórnum á Austurlandi og minnir á ályktanir frá síðasta haustþingi SSA þar sem rík áhersla er lögð á að staðið verði við fyrirhugaðar samgöngubætur á Austurlandi. Nýleg efnahagsgreining, sem SSA lét gera fyrir Austurland, leiddi í ljós að landshlutinn leggur mikið til þjóðarbúsins með tæpan fjórðung af verðmæti vöruútflutnings. Það er því eðlileg krafa að innviðir á Austurlandi verði byggðir upp enda geta Austfirðingar ekki beðið lengur eftir samgöngubótum.“
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn