Þriðjudaginn 11. júní mun Stefán Gíslason, framkvæmdastjóri Environice, kynna úttekt á umhverfisspori Austurlands sem fyrirtækið hefur unnið að beiðni Eyglóar í samstarfi við Austurbrú. Kynningin verður í Fróðleiksmolanum, á Búðareyri 1, á Reyðarfirði og eru öll velkomin.
Í desember á síðasta ári ákvað Eygló, í samstarfi við Austurbrú, að ganga til samninga við Environice, sem er íslenskt ráðgjafarfyrirtæki á sviði umhverfismála og sjálfbærrar þróunar, um gerð úttektar á kolefnisspori Austurlands en fyrirtækið hefur unnið svipaðar úttektir fyrir aðra landshluta á Íslandi sem hafa viljað stíga skref í átt að markvissri kolefnisjöfnun.
Eygló er samstarfsverkefni sveitarfélanna á Austurlandi, Landsvirkjunar og umhverfis-, orku- og loftslagsráðuneytis um eflingu orkuskipta, orkunýtni og hringrásarhagkerfis á Austurlandi og markmiðið með úttektinni er að leggja mat á kolefnisspor landshlutans sem er nauðsynlegt svo hægt sé að setja mælikvarða á árangur Austurlands í því að ná markmiðum Íslands í loftslagsmálum.
Verkefnið fólst í greiningu á helstu orsakavöldum kolefnislosunar í landshlutanum, svo sem í samgöngum, landbúnaði, sjávarútvegi, iðnaði, neyslu íbúa o.fl. Á grunni niðurstaðnanna voru síðan greindir möguleikar á annars vegar samdrætti í losun kolefnis og hins vegar á mótvægisaðgerðum sem mögulegt væri að grípa til á Austurlandi.
Environice hefur nú lokið við gerð úttektarinnar og mun framkvæmdastjóri þess, Stefán Gíslason, kynna niðurstöðurnar á opnum fundi, þriðjudaginn 4. júní frá 11:30 til 13:00, sem haldinn verður í Fróðleiksmolanum á Reyðarfirði.
Öll eru velkomin og boðið verður upp á léttar veitingar.
Facebook: Kynning á kolefnisspori Austurlands
Allar nánari upplýsingar veitir Eva Mjöll Júlíusdóttir // [email protected] // 860 1178
Nánari upplýsingar um EyglóFrá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn