Enska fyrir fullorðna – grunnfærni með áherslu á talað mál

Námslýsing: Þetta námskeið er ætlað fullorðnum sem vilja styrkja grunnfærni sína í ensku, með sérstakri áherslu á tal og hlustun. Unnið er með orðaforða og setningagerð sem nýtist í daglegu lífi, til dæmis í samtölum, verslunarferðum, ferðalögum og á vinnustöðum. Nemendur taka þátt í fjölbreyttum talæfingum, hlusta á einfaldan texta og lesa léttlestrarbækur og greinar, meðal annars af vefmiðlum. Áhersla er lögð á að byggja upp sjálfstraust í að skilja og tjá sig á einfaldri ensku í raunverulegum aðstæðum. Einnig eru gerðar einfaldar ritunaræfingar til að styrkja málnotkun. Kennt verður á tækni sem hjálpar þátttakendum að nota ensku, s.s. Google Lens og gervigreind.

Námskeiðið miðast við A1-stig samkvæmt evrópska tungumálarammanum. Símat og gerð er krafa um 80% mætingu í kennslustundir. 

Kennslufyrirkomulag: Kennt verður einu sinni í viku á þriðjudögum kl. 17:00-19:00 frá 8. september til 24. október.

• Laugardagskennsla:
• 6. september kl. 10:00-14:00
• 20. september kl. 10:00-14:00
• 4. október kl. 10:00-14:00
• 18. október kl. 10:00-14:00

Verð: 18.400 kr.
Þátttakendur eru hvattir til að kanna rétt sinn varðandi niðurgreiðslu á þátttökugjöldum hjá sínu stéttarfélagi.

Kennari: Joanna Katarzyna Mrowiec, enskukennari sem talar pólsku, frönsku, ítölsku og smá arabísku auk íslensku og ensku. Við hvetjum fólk af öllum þjóðernum til að skrá sig. Lítil íslenskukunnátta er ekki vandamál.

Síðasti skráningardagur: 24. ágúst.

Námskeiðið verður aðeins kennt ef næg þátttaka næst úr markhópi (markhópur framhaldsfræðslunnar eru þau sem ekki hafa lokið námi á framhaldsskólastigi á Íslandi).