Ný persónuverndarlög 2018 – viðbrögð og undirbúningur – Námskeið fyrir starfsmenn og stjórnendur – fyrirtækja og stofnana, fimmtudaginn 1. mars kl. 9-12

Farið verður yfir hvernig best er að haga undirbúningi fyrir gildistöku nýrra persónuverndarlaga sem ná yfir allar stofnanir og fyrirtæki sem vinna með persónuupplýsingar um eigið starfsfólk, viðskiptavini, notendur eða aðra. Farið verður yfir megininntak laganna, kröfur sem þau hafa í för með sér og persónuvernd og meðferð persónuupplýsinga með hliðsjón af þeim. Rætt verður hvað beri að varast, hverju þurfi mögulega að breyta og hvernig rétt sé að bregðast við. Sýnd verða dæmi um verklagsreglur og aðgerðaáætlanir.

Í lok námskeiðsins er stefnt að því að þátttakendur geri sér grein fyrir hvaða breytingar löggjöfin kallar á innan þeirra stofnana og fyrirtækja og átti sig á hvaða verkefni þarf að ráðast í áður en hún tekur gildi.

Leiðbeinendur: Jóhannes Stefánsson héraðsdómslögmaður og sérfræðingur í persónuvernd og Jón Kr. Ragnarsson upplýsingaöryggisstjóri hjá Þekkingu.

Verð: 29.000.

Staðsetning: Salur Austurbrúar, Tjarnarbraut 39e, Egilsstöðum.

Skráning: á [email protected] fyrir 26. febrúar 2018.