Menntun á Austurlandi
Flestir íslenskir háskólar bjóða upp á fjarnám af einhverjum toga. Hjá Austurbrú geta fjarnemar sótt fjölbreytta þjónustu, allt eftir því hvað hentar hverjum og einum nemanda. Austurbrú rekur námsver þar sem er lesaðstaða, nettenging og fjarfundabúnaður. Starfsmenn geta veitt leiðbeiningar varðandi nám, s.s. námstækni, skipulag verkefna og ráðgjöf vegna prófkvíða, bæði til verðandi nemenda og þeirra sem eru í námi. Hjá Austurbrú geta nemendur auk þess tekið próf, óháð því hvaða nám þeir stunda og í hvaða háskóla.
Nánar
Þjónusta og ráðgjöf
Austurbrú styður háskólanema á Austurlandi með fjölbreyttri þjónustu:
-
Námsver – aðgangur að les- og hópavinnuaðstöðu, nettengingum og góðu námsumhverfi um allt Austurland.
-
Prófaþjónusta – örugg umsýsla háskóla- og réttindaprófa allt árið m.a. próf til ríkisborgararétts.
-
Starfs- og námsráðgjöf – endurgjaldslaus ráðgjöf og fræðsla sem styður við námstækni, vinnubrögð og árangur í námi.
Rannsóknir og samstarf
Innan Austurbrúar starfar fólk sem býr yfir faglegri þekkingu á ýmis konar aðferðafræði. Austurbrú leggur áherslu á að rannsóknum á Austurlandi sé sinnt og höfum frumkvæði að rannsóknar- og þróunarverkefnum, bæði stórum og smáum, sem byggja á sérstöðu landshlutans í náttúrufari, atvinnulífi og menningu. Einnig vinnum við að ýmsum vöktunar-, greiningar- og þróunarverkefnum. Tilgangurinn er að efla og viðhalda þekkingu á samfélögum og byggðum Austurlands og taka þátt í faglegri umræðu um málefni landshlutans. Niðurstöður verkefna eru nýttar á margvíslegan hátt innan Austurbrúar og utan; birtar sem útgefnar skýrslur, lokaðar skýrslur einungis fyrir þeim er málin snerta, á vef, sem ráðstefnuerindi eða á annan hátt, allt eftir því hvað við á hverju sinni.
Nánar
