Menningarstarf á Austurlandi er áhersluverkefni Sóknaráætlunar Austurlands og unnið af Austurbrú. Verkefnið felst í áframhaldandi uppbyggingu og vörslu þess öfluga og faglega menningarstarfs sem unnið hefur verið að til margra ára á Austurlandi.

Á árunum 2020 og 2021 framkvæmdi Austurbrú fýsileikakönnun um aukið samstarf eða sameiningu safna á Austurlandi. Verkefni þetta var liður í stefnumótandi byggðaáætlun fyrir árin 2018 til 2024 (liður C.14 – Samstarf safna – ábyrgðarsöfn) sem samþykkt var á Alþingi þann 11. júní 2018. Samband sveitarfélaga á Austurlandi fól Austurbrú að hafa yfirumsjón með verkefninu.