Hvað er Austurbrú?
Austurbrú vinnur að þróun Austurlands. Hún styður við sveitarfélög, ríki, stofnanir, fyrirtæki og íbúa með verkefnum sem efla atvinnulíf, menntun, menningu og samfélag. Austurbrú er þverfagleg verkefnastofa sem vinnur út frá sameiginlegri framtíðarsýn svæðisins eins og hún birtist í Svæðisskipulagi Austurlands 2022 – 2044 og Sóknaráætlun Austurlands 2025 – 2029.
Austurbrú er með sjö starfsstöðvar og ríflega 20 starfsmenn.
Saga
Austurbrú er sjálfseignarstofnun sem stofnuð var 8. maí 2012 á grunni Þekkingarnets Austurlands, Þróunarfélags Austurlands, Markaðsstofu Austurlands og Menningarráðs Austurlands og annast auk þess daglegan rekstur Sambands sveitarfélaga á Austurlandi. Yfir 30 stofnaðilar eru að Austurbrú, þ.á.m. öll sveitarfélögin á Austurlandi, allir háskólar landsins, helstu fagstofnanir, stéttarfélög og hagsmunasamtök atvinnulífsins, framhaldsskólar og þekkingarsetur á Austurlandi.
Nánar
Stjórn og skipulag
Stjórn Austurbrúar er skipuð sjö aðalmönnum. Fimm koma af vettvangi sveitarstjórnarmála og eru jafnframt stjórnarmenn SSA. Tveir koma frá vettvangi atvinnulífs, menningar og menntunar. Starfsháttanefnd og siðanefnd Austurbrúar eru skipaðar þremur fulltrúum sem kosnir eru á ársfundi.
Nánar
Stefnur og reglur
Austurbrú hefur sett sér stefnu og reglur sem tryggja fagmennsku og gagnsæi í rekstri stofnunarinnar. Stefnan okkar, persónuverndaryfirlýsing, siða- og verklagsreglur eru aðgengilegar hér.
Nánar