Úthlutun styrkja úr Uppbyggingarsjóði Austurlands fyrir verkefnaárið 2027 mun fara fram eftir miðjan janúar næstkomandi.
Ástæða þess að úthlutunin fer fram í janúar er sú að endanleg fjárhæð framlaga til uppbyggingarsjóða landshlutanna liggur enn ekki fyrir. Ákveðið hefur verið að bíða með úthlutun þar til ljóst verður hversu mikið fjármagn Uppbyggingarsjóður Austurlands hefur til ráðstöfunar. Gert er ráð fyrir að fjárlög ársins 2027 verði afgreidd upp úr miðjum desember.
Alls bárust 108 umsóknir í Uppbyggingarsjóð Austurlands fyrir verkefnaárið 2027. Umsækjendur hafa verið upplýstir um breytta tímasetningu úthlutunarinnar.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn