Brothættar byggðir á Stöðvarfirði
Verkefnastjóri tekinn til starfa á Stöðvarfirði
Í vetur hóf Stöðvarfjörður þáttöku í verkefninu Brothættar byggðir og er þetta þriðja byggðarlagið á Austurlandi þar sem unnið er eftir þessu verklagi Byggðastofnunar en áður hafa Breiðdalsvík og Borgarfjörður eystri tekið þátt. Að Brothættum byggðum á Stöðvarfirði standa, auk Byggðastofnunar, Fjarðabyggð, SSA, Austurbrú og íbúar á Stöðvarfirði. Verkefnið gengur undir heitinu Sterkur Stöðvarfjörður.
Verkefnastjórinn, Valborg Ösp Warén, hefur tekið til starfa á Stöðvarfirði og er með aðsetur í Sköpunarmiðstöðinni. Hún segir verkefnið fara vel af stað.
„Verkefnastjórn ætlar að hittast á næstu dögum til að klára stöðugreiningu og vinna að verkefnaáætlun. Fram undan er svo íbúafundur nú í haust. Í kjölfar hans verður svo opnað fyrir umsóknir í Frumkvæðissjóð Sterks Stöðvarfjarðar þar sem íbúum og velunnurum byggðarlagsins gefst tækifæri til að senda inn umsóknir um styrki vegna frumkvæðisverkefna.“
Valborg hvetur alla sem áhuga hafa á verkefninu að kíkja við í kaffibolla hjá Kaffibrennslunni Kvörn sem einnig er staðsett í Sköpunarmiðstöðinni.
Frekari upplýsingar um „Sterkan Stöðvarfjörð“
Valborg Ösp Árnadóttir Warén
Stöðvarfjörður
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
