Austurbrú auglýsir eftir leiðbeinendum til að halda námskeið í íslensku fyrir útlendinga á haustönn 2021 og vorönn 2022 á Austurlandi. Kennslustaðir eru m.a. Egilsstaðir, Neskaupstaður og Vopnafjörður. Í boði er að kenna hálf eða heil námskeið (20 – 40 klst. á önn).
Umsóknarfrestur er til og með 15. september.
Á Íslandi hefur innflytjendum fjölgað jafnt og þétt á síðustu árum og er Austurland engin undantekning. Í landshlutanum eru tæplega 11 þúsund íbúar, af þeim eru um 1500 innflytjendur eða um 15 prósent. Austurbrú hefur tekið þátt í framkvæmd ýmissa verkefna sem hafa það að markmiði að auka þátttöku fólks af erlendum uppruna í samfélaginu. Það veigamesta er tungumálakennsla sem Austurbrú hefur sinnt frá stofnun.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn