Lánasérfræðingar Byggðastofnunar verða á Austurlandi dagana 14.–16. september og kynna þar lánamöguleika stofnunarinnar fyrir fyrirtæki og frumkvöðla á svæðinu.

Í heimsókninni gefst forsvarsaðilum fyrirtækja tækifæri til að hitta lánasérfræðinga Byggðastofnunar, kynna sínar hugmyndir og verkefni og ræða mögulegar fjármögnunarleiðir. Hvort sem um er að ræða ný verkefni, fjárfestingar, uppbyggingu eða frekari þróun á starfsemi er hægt að fá upplýsingar og ráðgjöf um þau lán sem Byggðastofnun býður atvinnulífinu.

Byggðastofnun veitir lán til fyrirtækja um allt land með það að markmiði að styðja við atvinnuuppbyggingu, fjölbreytt atvinnulíf og verðmætasköpun í landsbyggðunum.

Bæði núverandi og nýir viðskiptavinir eru velkomnir til að ræða við lánasérfræðinga okkar og kynna sér þá möguleika sem standa til boða.

Hægt er að bóka tíma í gegnum netföngin [email protected] og [email protected]