Lýsing á kraftmiklu samfélagi
„Þessi innviðagreining er einskonar samfélagslýsing sem við vonum að gefi góða mynd af kraftmiklu samfélagi sem hefur alla burði til að vaxa og dafna um ókomna tíð.“
Jón Björn Hákonarson,
bæjarstjóri Fjarðabyggðar
Innviðagreining Fjarðabyggðar er komin út
Út er komin innviðagreining sem Austurbrú hefur unnið fyrir Fjarðabyggð og var lokaútgáfa hennar lögð fyrir bæjarráð Fjarðabyggðar í dag. Greiningin er nokkurs konar stöðumat sem á að gefa góða heildarmynd af því sem sveitarfélagið hefur upp á að bjóða til uppbyggingar og þróunar.
Á síðustu árum hefur Austurbrú unnið innviðagreiningar fyrir tvö stærstu sveitarfélögin á Austurlandi; fyrst Fljótsdalshérað (sem nú er hluti Múlaþings) og nú Fjarðabyggð. Markmiðið með þeirri vinnu er að gefa greinargóða mynd af því sem sveitarfélögin hafa upp á bjóða, í dag og til framíðar, með því að taka saman upplýsingar sem gagnast geta bæði núverandi og mögulegum íbúum, auk fyrirtækja og stofnana sem leita staðsetningar til uppbyggingar og þróunar.
Um er að ræða nokkuð yfirgripsmikla samantekt sem fjallar m.a. um einkenni hvers bæjarkjarna, umhverfi, samgöngur, samfélag, þjónustu, vinnumarkaðinn og þau fjölmörgu tækifæri sem bjóðast í fjölbreyttu sveitarfélagi.
Hér má skoða þær innviðagreiningar sem Austurbrú hefur unnið að:
Innviðagreiningar
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
