Háskólagrunnur er fyrir þau sem vilja hefja háskólanám en vantar tilskilinn undirbúning. Hægt er að ljúka lokaprófi úr háskólagrunni eða viðbótarnámi við stúdentspróf og nýta sem leið inn í nám á háskólastigi. Námið fer fram í starfsstöð Austurbrúar á Reyðarfirði, Fróðleiksmolanum, og þar hefur verkefnastjóri uppbyggingar háskólanáms á Austurlandi jafnframt aðsetur. Kennarar koma frá HR og verkefnastjóri námsins aðstoðar nemendur ásamt því að taka að einhverju leyti þátt í kennslu og verkefnum.