Á morgun, miðvikudaginn 14. febrúar, mun Austurbrú standa fyrir fundi á Egilsstöðum þar sem umræðuefnið er matur í allri sinni dýrð. Ann-Marie Schultz, framkvæmdastjóri og eigandi Sauðagulls í Fljótsdalshreppi, ætlar að mæta en hún segir mikilvægt fyrir austfirska matvælaframleiðendur að finna leiðir til að auka sýnileika matvæla frá landshlutanum. Hún vonast eftir breiðri þátttöku á fundinum.
Það er Austurbrú sem boðar til fundarins en við höfum á síðustu árum unnið markvisst að verkefnum sem snúa að matvælaframleiðslu á Austurlandi.
Páll Baldursson, verkefnastjóri hjá Austurbrú, er einn skipuleggjenda:
„Tilgangur fundarins er kannski aðallega tvíþættur,“ segir hann. „Við héldum öflugan íbúafund á Eiðum í ágúst í fyrra undir yfirskriftinni „Hjarta mitt slær í sveitinni – samtal um framtíðartækifæri í sveitum Austurlands“. Þátttaka fór fram úr björtustu vonum og mættu um 60 manns af öllu Austurlandi. Ein af niðurstöðum þess fundar var að stuðla þyrfti að frekara samtali fólks á Austurlandi sem brennur fyrir matvælum og matvælaframleiðslu. Þá er tímasetningin á fundinum ekki tilviljun. Það er opið fyrir umsóknir í Matvælasjóð og þetta er góður tími til að ræða möguleg verkefni og samstarfsfleti.“
Ann-Marie Schlutz, eigandi og framkvæmdastjóri Sauðagulls, ætlar að mæta á fundinn. Hún segist hafa talsverðar væntingar til hans. „Við þurfum að vinna sameiginlega að því að auka sýnileika austfirskra matvæla og við þurfum að auka samstarf,“ segir hún og vonar að mætingin á fundinn verði góð. „Þátttakan verður vonandi breið en ég hef mætt á Matarmót Austurlands og hef saknað þess að sjá ekki fleiri fulltrúa frá t.d. verslunum, stórum sem smáum, frá mötuneytum og veitingastöðum. Ef við ætlum að ná góðum árangri og gera austfirsk matvæli sýnileg og vinsæl þarf samvinnu allra þessara aðila,“ segir Ann-Marie hjá Sauðagulli.
Dagskrá fundarFrá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn