Síðastliðinn þriðjudag stóð Markaðsstofa Austurlands fyrir vinnustofunni Saga til næsta bæjar, sem stýrt var af Auði Ösp Ólafsdóttur, sérfræðingi í efnissköpun í markaðssetningu. Auður hefur mikla reynslu í þeim geira og rak m.a. sitt eigið ferðaþjónstufyrirtæki, I Heart Reykjavík í áratug, sem hún byggði upp með persónulegum sögum af landi og þjóð.

Inntak vinnustofunnar var mikilvægi þess að byggja upp trúverðugleika og traust á vörumerkjunum okkar með einlægni. Öll höfum við sögur að segja en það sem okkur finnst kannski ómerkilegt getur gestunum okkar þótt stórmerkilegt.

Vinnustofan var vel sótt og þátttakendur komu úr ýmsum áttum, ferðaþjónustu, matvælaframleiðslu, verslun og þjónustu og frá sveitarfélögunum.

Markaðsstofan stendur fyrir reglulegum vinnustofum og viðburðum fyrir samstarfsaðila. Ert þú með samstarfssamning við Austurbrú?