Austurbrú tekur þátt í alþjóðlega samstarfsverkefninu BOCOD (Boosting Continuity and Digitalisation of Rural Region Businesses) sem miðar að því að efla samkeppnishæfni fyrirtækja í dreifbýli með aukinni stafrænni hæfni og betri stuðningi við eigendaskipti og framtíðarskipulag fyrirtækja.

Verkefnið er samstarfsverkefni aðila á Íslandi, Írlandi og í Finnlandi og er styrkt af Interreg Northern Periphery and Arctic Programme. Markmið þess er að styðja lítil og meðalstór fyrirtæki í dreifbýli við að bregðast við breytingum í rekstrarumhverfi, tryggja áframhaldandi starfsemi og skapa forsendur fyrir sjálfbærum vexti.

Sem hluti af verkefninu stendur nú yfir könnun meðal fyrirtækja í dreifbýli þar sem safnað er upplýsingum um aðgengi að stafrænum lausnum, fræðslu og stuðningi við eigendaskipti og rekstrarsamfellu. Niðurstöðurnar verða nýttar til að greina þarfir fyrirtækja og móta ný verkfæri og stuðningsúrræði sem styrkja atvinnulíf á landsbyggðinni.

Austurbrú hvetur fyrirtæki á Austurlandi til að taka þátt í könnuninni og leggja þannig sitt af mörkum til að bæta þjónustu og stuðning við fyrirtæki í landshlutanum. Það tekur um tíu mínútur að svara könnuninni og öll svör eru nafnlaus og unnin á heildstæðum grunni.

• Hægt er að nálgast könnunina hér.