Tilnefndu til hvatningarverðlaunanna!
Kletturinn og Frumkvöðullinn eru árleg hvatningarverðlaun ferðaþjónustunnar á Austurlandi. Tilnefningarfrestur rennur út 19. október.
Senda inn tilnefningu!Hver á skilið Klettinn eða Frumkvöðulinn í ár?
Óskað er eftir tilnefningum til Klettsins og Frumkvöðulsins, árlegra hvatningarverðlauna ferðaþjónustunnar á Austurlandi. Viðurkenningarnar verða veittar í tengslum við haustfund ferðaþjónustunnar sem haldinn verður á Seyðisfirði 22. október. Frestur til að senda inn tilnefningar rennur út 19. október.
Tilgangur verðlaunanna er að vekja athygli á því góða starfi sem unnið er í ferðaþjónustu á Austurlandi og hvetja til áframhaldandi uppbyggingar og nýsköpunar í atvinnugreininni. Viðurkenningarnar eru veittar samstarfsaðilum Austurbrúar.
Kletturinn er viðurkenning til þeirra sem um árabil hafa staðið í framlínu ferðaþjónustu á Austurlandi og með ósérhlífni og eljusemi stuðlað að framgangi og vexti atvinnugreinarinnar.
Frumkvöðullinn er viðurkenning til þeirra sem sýna áræðni og hugmyndaauðgi við uppbyggingu þjónustu fyrir ferðamenn og stuðla með verkum sínum að aukinni fjölbreytni í ferðaþjónustu á Austurlandi.
Verðlaunin eiga sér nokkra sögu en hefðin var endurvakin árið 2021, eftir að viðurkenningarnar höfðu síðast verið veittar árið 2014.
Þekkir þú einhvern sem á skilið viðurkenningu? Sendu inn tilnefningu til Klettsins eða Frumkvöðulsins eigi síðar en 19. október.
Fyrri verðlaunahafar
Frumkvöðullinn
- 2025: Björn Magnússon, Hreindýragarðurinn
- 2024: Maciej Pietrunko, Arctic Fun
- 2023: Aðalheiður Ósk Guðmundsdóttir, Vök Baths
- 2022: Helga Sturlaugsdóttir, HS ferðaþjónustan á Finnsstöðum
- 2021: Auður Vala Gunnarsdóttir og Helgi Sigurðsson, Blábjörg Resort
Kletturinn
- 2025: Skúli Björn Gunnarsson og Elísabet Þorsteinsdóttir, Skriðuklaustur og Klausturkaffi
- 2024: Helga Hrönn Melsteð og Ingólfur Finnsson, Tinna Adventure
- 2023: Friðrik Árnason, Hótel Breiðdalsvík
- 2022: Sævar Guðjónsson og Berglind Steina Ingvarsdóttir, Mjóeyri
- 2021: Ívar Ingimarsson
Haustfundur ferðaþjónustunnar
Hvatningarverðlaunin verða veitt í tengslum við Haustfund ferðaþjónustunnar sem haldinn verður á Seyðisfirði 22. október. Fundurinn er árlegur vettvangur ferðaþjónustuaðila á Austurlandi til að hittast, miðla reynslu, efla tengsl og ræða framtíð ferðaþjónustunnar í landshlutanum.
Nánari upplýsingar um dagskrá fundarins og skráningu má finna á vef Visit Austurland.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
