Hvernig á SSA að vinna fyrir Austurland?
Ragnar Sigurðsson, nýkjörinn formaður SSA, ræðir í Austurland hlaðvarpi um framtíðarsýn sína fyrir samstarf sveitarfélaganna, mikilvægi raunverulegrar samstöðu og áskoranir kjörinna fulltrúa í breyttu samfélagi.
Hlusta á þáttSamstaða verður að spretta af sameiginlegum hagsmunum
Ragnar Sigurðsson, nýkjörinn formaður Sambands sveitarfélaga á Austurlandi (SSA), er gestur nýjasta þáttar Austurland hlaðvarps. Þar ræðir hann um nýtt hlutverk sitt, framtíðarsýn fyrir samstarf sveitarfélaganna á Austurlandi og eigin leið inn í sveitarstjórnmál.
Í þættinum segir Ragnar að eitt af fyrstu verkefnum sínum sem formaður verði að efla hlutverk SSA sem samstarfsvettvangs sveitarfélaganna. Að hans mati felst styrkur sambandsins fyrst og fremst í því að sveitarfélögin sameinist um málefni þar sem raunveruleg samstaða ríkir.
Leiðin inn í sveitarstjórnmálin
Í samtalinu rifjar Ragnar einnig upp eigin leið inn í stjórnmál. Hann hóf þátttöku í pólitísku starfi á menntaskólaárum, starfaði síðar sem ritstjóri Austurgluggans og tók síðan virkan þátt í sveitarstjórnarmálum í Fjarðabyggð. Hann segir áhugann á félagsstarfi og löngunina til að leggja sitt af mörkum til betra samfélags hafa verið helsta drifkraftinn allan tímann.
Þá ræðir hann einnig um breytt starfsumhverfi kjörinna fulltrúa og telur umræðuna á samfélagsmiðlum hafa gert það erfiðara að fá fólk til þátttöku í sveitarstjórnum. Mikilvægt sé að skapa umhverfi þar sem fólk treysti sér áfram til að gefa kost á sér til opinberra starfa.
Samband sveitarfélaga á Austurlandi verður 60 ára á þessu ári. Að sögn Ragnars verður afmælisins minnst á haustþingi SSA í Neskaupstað þar sem jafnframt verði horft til næstu skrefa í samstarfi sveitarfélaganna á Austurlandi.
Hlusta á þátt
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
