Fjölmargir viðburðir fóru fram og er til eftirbreytni hvernig sumir byggðakjarnar setja saman heildardagskrá og ná þannig að hámarka samveruna, gleðina og sköpunarkraftinn í fjölbreyttum viðburðum fyrir alla aldurshópa.

Ljósmyndakeppnin var haldin að venju og voru átta ljósmyndarar sem sendu inn 54 myndir. Sigurvegarinn í ár var Jón Einar Ágústsson frá Djúpavogi sem sendi inn fallega mynd af gamla læknabústaðnum á Djúpavogi, Dölum, þar sem ljós og skuggar leika sér í fullkominni litadýrð.

Nú fer fram endurskoðun á aðgerðaáætlun fyrir Daga myrkurs en sú áætlun sem unnið hefur verið eftir fram til þessa rennur út í lok þessa árs. Til að fá fram skoðanir og hugmyndir íbúa Austurlands leggjum við fram könnun sem við vonumst til að sem flestir sjái sér fært að svara.

Könnun á íslensku

Könnun á ensku

Meðfylgjandi er vinningsmynd ársins og vonumst við til þess að við öll njótum myrkursins áfram, lýsum það upp með ljósum og samveru.