Fjöldatakmarkanir

Í boði eru 30 sæti á námskeiði fyrir nýja leiðsögumenn. Komi til þess að fleiri en 30 sækist eftir þátttöku í námskeiðinu verður valið úr hópi umsækjenda með tilliti til eðlilegrar nýliðunar í hópi leiðsögumanna, sbr. 11. mgr. 14. gr. laga um vernd, friðun og veiðar á villtum fuglum og villtum spendýrum nr. 64/1994. Verður þar m.a. horft til þess að mikil þörf er á nýjum leiðsögumönnum á svæðum 7, 8 og 9. Við val inn á námskeiðið verður jafnframt horft til veiðireynslu á því svæði sem sótt er um og meðmæla frá starfandi leiðsögumönnum á viðkomandi svæði.

Umhverfisstofnunar hefur metið þörf á nýliðun leiðsögumanna eftir veiðisvæðum:

Svæði 1: 5
Svæði 2: 0
Svæði 3: 3
Svæði 4: 3
Svæði 5: 3
Svæði 6: 3
Svæði 7: 4
Svæði 8: 4
Svæði 9: 5

Umsóknarferlið

Umsækjendur þurfa að setja sig í samband við leiðsögumann með hreindýraveiðum og fá frá honum meðmæli og vilyrði fyrir að fara með honum í verklega veiðiferð ef kostur er. Leiðsögumenn veita meðmæli með rafrænni auðkenningu í gegnum umsóknargátt Umhverfisstofnunar. Umsækjendum verður raðað inn á námskeiðið með hliðsjón af framangreindum atriðum. Ef margir umsækjendur á ákveðin svæði uppfylla framangreindar kröfur verður umsækjendum úthlutað slembitölum og dregið úr potti með sama fyrirkomulagi og hreindýraúrdrátturinn fer fram.

Fylgigögn og upplýsingar sem fylla þarf út á umsóknargátt eru:

• Kynningarbréf
• Meðmæli frá starfandi leiðsögumanni sem samþykktur er af Umhverfisstofnun
• Vilyrði um verklega þjálfun í 2 veiðiferðum (kostur)

Fyrirkomulag og upphaf náms

Námið hefst 21. febrúar og lýkur í 21. apríl. Námið er blanda af Teams/Zoom fyrirlestrum og staðarlotum. Staðarlotur fara fram á Egilsstöðum dagana 1.-3. mars og 19.- 21. apríl. Stundarskrá og nánari upplýsingar um námskeið verða kynnt síðar.

Verklegar ferðir

Til að hljóta réttindi til að leiðseigja með hreindýraveiðum þarf viðkomandi meðal annars að hafa tvisvar á sama veiðitímabili leiðsagt með hreindýraveiðum undir handleiðslu starfandi leiðsögumanns sem samþykktur er af Umhverfisstofnun. Umsóknum er ekki sjálfkrafa hafnað þó umsækjandi hafi ekki fundið sér leiðbeinanda í verklega veiðiferð en það mun telja við mat á umsóknum.

• Verklagsreglur fyrir verklegar ferðir
• Verklagsreglur fyrir inntökuskilyrði
• Verklagsreglur fyrir staðþekkingarpróf
• Námsskrá fyrir leiðsögumenn með hreindýraveiðum

Verð

Verð fyrir námskeið og próf er 330.000 kr.

Umsóknir

Sótt er um á vef Umhverfisstofnunar.