Þriðjudaginn 7. maí sl. útskrifuðust sex konur af námsbraut fyrir samfélagstúlka hjá Austurbrú.
Markmið með náminu er að þátttakendur öðlist þá hæfni sem þarf til að sinna túlkunarverkefnum á faglegan hátt. Viðfangsefnin voru margvísleg en auk tækni í túlkun var fjallað um almenna starfshæfni, fjölmenningarlega færni, siðareglur, þrautseigju og bókhald.
Námsbrautin var kennd á þremur mánuðum og er 130 klukkustundir í heild með heimanámi. Námið er á 3. hæfniþrepi hæfniramma um íslenska menntun.
Fjölbreyttur hópur kennara komu að námskeiðinu en Birna Ragnheiðardóttir Imsland var aðalkennarinn og sá um þá þætti sem snúa að túlkunarstarfinu sjálfu.
Þátttakendur voru frá Póllandi og Úkraínu og skilyrði fyrir þátttöku var góð íslenskukunnátta.
Útskriftarnemar á efstu mynd f.v. Edyta Malgorzata Kolodziejczyk, Joanna Katarzyna Mrowiec, Barbara Izabela Kubielas, Anna Maria Skrodzka-Peta, Iryna Boiko og Aneta Joanna Cwiklinska.
Þorbjörg Ólöf Jónsdóttir
Hrönn Grímsdóttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn