Alls bárust 47 umsóknir í Startup Landið 2026, viðskiptahraðal fyrir frumkvöðla og nýsköpunarverkefni á landsbyggðinni. Umsóknir bárust alls staðar að af landinu og þar af komu 10,5% frá Austurlandi.

Austurbrú er meðal þeirra landshlutasamtaka og atvinnuþróunarfélaga sem standa að Startup Landinu. Markmið hraðalsins er að styðja frumkvöðla og nýsköpunarteymi á landsbyggðinni við að þróa verkefni sín og taka næstu skref.

Umsóknarfrestur rann út 1. september og bárust alls 47 umsóknir. Flestar komu frá Suðurlandi, eða 28%, en þar á eftir kom Vesturland með 17%. Umsóknir frá Austurlandi voru 10,5% af heildarfjöldanum. Dreifing umsóknanna sýnir vel þann kraft sem býr í nýsköpun og frumkvöðlastarfi víða um land.

Startup Landið hefst 24. september og stendur yfir í sjö vikur. Á þeim tíma fá þátttakendur aðgang að leiðbeinendum, markvissri fræðslu og tengslaneti sem ætlað er að styðja við þróun verkefnanna.

Hraðlinum lýkur með lokaviðburði í HorseDay-höllinni í Ölfusi 6. nóvember þar sem þátttakendur kynna verkefni sín og þann árangur sem náðst hefur á meðan á hraðlinum stendur.

Valnefnd fer nú yfir umsóknirnar og velur þau verkefni sem boðin verður þátttaka. Valin teymi verða kynnt í næstu viku.