Opið er fyrir umsóknir í Uppbyggingarsjóð Austurlands fyrir verkefnaárið 2027. Umsóknarfrestur er til klukkan 14:00 miðvikudaginn 21. október.

Hlutverk Uppbyggingarsjóðs er að styrkja menningar-, atvinnu- og nýsköpunarverkefni sem falla að Sóknaráætlun Austurlands. Einnig eru veittir stofn- og rekstrarstyrkir til menningarlögaðila.

Sjóðurinn er þannig ætlaður fjölbreyttum verkefnum sem stuðla að þróun samfélags og atvinnulífs á Austurlandi. Umsækjendur eru hvattir til að kynna sér vel úthlutunarreglur og matsblöð áður en umsókn er send inn, en þar má sjá hvaða atriði eru lögð til grundvallar við mat umsókna.

Vinnustofur um allt Austurland

Í tengslum við umsóknarferlið verður boðið upp á vinnustofur á Austurlandi dagana 28. september til 14. október. Þar fá áhugasamir kynningu á Uppbyggingarsjóði og leiðsögn við gerð umsókna.

Vinnustofurnar eru ætlaðar bæði þeim sem eru að sækja um í fyrsta sinn og þeim sem hafa áður sótt í sjóðinn. Þar gefst meðal annars tækifæri til að fara yfir hugmyndir að verkefnum og fá aðstoð við umsóknarferlið. Nauðsynlegt er að skrá sig á vinnustofurnar fyrirfram.

Á vef Austurbrúar má finna nánari upplýsingar um Uppbyggingarsjóð, úthlutunarreglur og matsblöð fyrir atvinnu- og nýsköpunarstyrki, menningarstyrki og stofn- og rekstrarstyrki til menningarlögaðila.

Umsóknarfrestur er 21. október kl. 14:00. Sæktu um!

Nánari upplýsingar og aðstoð vegna umsókna fást einnig hjá Austurbrú með tölvupósti á [email protected]