Dagar myrkurs fram undan – fögnum myrkrinu saman
Dagar myrkurs verða haldnir um allt Austurland dagana 26. október til 1. nóvember. Hátíðin fagnar myrkasta árstímanum með sköpun, samveru og fjölbreyttum upplifunum víðs vegar um landshlutann.
Dagar myrkurs eru samfélagshátíð og dagskráin verður til með þátttöku íbúa, félagasamtaka, fyrirtækja og stofnana á Austurlandi. Öll eru hvött til að taka þátt – hvort sem það er með því að standa fyrir viðburði, hvetja aðra til þátttöku eða einfaldlega njóta þess sem verður í boði.
Ertu með viðburð á Dögum myrkurs?
Nú er hægt að skrá viðburði í viðburðadagatal hátíðarinnar. Við skráningu er valið Dagar myrkurs og þannig safnast dagskrá hátíðarinnar saman á einum stað á dagarmyrkurs.is.
Þar verður hægt að fylgjast með dagskránni eftir því sem hún tekur á sig mynd.
Fögnum myrkrinu saman!
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
