Í síðustu viku úthlutaði Matvælasjóður styrkjum en styrkir til Austurlands voru 7% af úthlutun sjóðsins. Eftirfarandi styrkir komu á Austurland:

– Síldarvinnslan, hlaut rúmlega 19 milljónir úr styrktarflokknum Afurð til að vinna með rauða gullið.
– Jurt ehf. hlaut tæplega 11 milljónir úr styrktarflokknum Fjársjóði til að vinna að stafrænni markaðssetningu Nordic Wasabi.
– Matís ohf. í samstarfi við einkaaðila hlaut um 8,5 milljónir úr styrktarflokknum Keldu til að vinna að nýjum lausnum fyrir vinnu við merkingar matvæla.

Auk þessara styrkja voru aðilar á Austurlandi með í fimm öðrum umsóknum sem styrktar voru samtals um 44,5 milljónir króna.
Heildarúthlutun var 566 milljónir króna.

Austurbrú óskar styrkhöfum til hamingju!