Austurbrú hefur tekið saman lista með tónlist sem á einhvern hátt tengist Austurlandi. Hún er ýmist eftir austfirskt tónlistarfólk, fjallar um Austurland eða er innblásin af Austurlandi en eins og margir vita samdi Bubbi nokkur Morthens tvö af sínum þekktustu lögum eystra. Stál og hnífur, þjóðsöngur verkafólks á Íslandi, var þannig samið á verbúð á Eskifirðu og reggípönkið Kyrrlátt kvöld við fjörðinn ku vera samið í Neskaupstað.
Við gerum þetta til að halda á lofti austfirskum menningarafurðum og full ástæða til. Ekki einungis hefur tónlistarlífið á Austurlandi ávallt verið frísklegt heldur er þetta líka liður í að markaðssetja landshlutann með tónlist sem landsmenn elska og er sum hver orðin að tákngjöfum fyrir okkar svæði. Vita ekki annars öll að Dúkkulísurnar eru að austan?!
Við hvetjum auðvitað öll til að nota lagalistana, hvort sem það eru heimamenn eða gestir okkar en við hvetjum alveg sérstaklega ferðaþjóna á svæðinu til að nota tónlistina í opnum rýmum þar sem við hæfi er að spila tónlist s.s. á börum, veitingastöðum og alls staðar þar sem því verður komið við.
Listanir eru tveir. Annars vegar Sipping Coffee in Austurland – East Iceland, sem inniheldur lágstemmda og notalega tónlist, og svo On the Road in Austurland – East Iceland en á honum má finna ekta austfirska stuðtónlist sem hentar vel við aksturinn.
Jón Knútur Ásmundsson
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn