Mikill heiður
„Þegar maður lítur á listann yfir þá sem hafa fengið þau þá verður maður mjög þakklátur“ – Guðmundur R. Gíslason, handhafi menningarverðlauna SSA 2021.
HlustaMenningarverðlaun SSA í hlaðvarpinu
Guðmundur R. Gíslason hlaut menningarverðlaun SSA á Haustþingi sambandsins sem haldið var sl. föstudag. Í nýjasta þætti Austurland hlaðvarp ræðir hann um þýðingu verðlaunanna, mikilvægi opinbers stuðnings við listir, stöðu listamanna á landsbyggðinni og ýmislegt fleira.
„Þetta var mikill heiður,“ segir Guðmundur um viðurkenninguna. „Þetta eru gamalgróin verðlaun og þegar maður lítur á listann yfir þá sem hafa fengið þau þá verður maður mjög þakklátur og finnst maður vera kominn í hóp góðra einstaklinga sem hafa afrekað mikið á menningarsviðinu á Austurlandi.“
Guðmundur hefur verið einn af okkar bestu mönnum í tónlistinni um árabil, gefið út nokkrar sólóplötur auk þess sem hann sinnti hlutverki forsöngvara í norðsfirsku dægurhljómsveitinni Súellen á árum áður.
Verðlaunin eru veitt einstaklingi, stofnun eða samtökum á Austurlandi fyrir eftirtektarvert framtak á sviði lista og menningar og hér má sjá lista yfir fyrri handhafa verðlaunanna.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
