Alda Marín Kristinsdóttir hefur verið ráðin verkefnastjóri „Brothættra byggða“ en starfið var auglýst laust til umsóknar fyrr á þessu ári. Hún hefur störf á næstu misserum og mun hafa aðsetur á Borgarfirði eystri. 

Alda Marín er 32 ára gömul, fædd og uppalin á Hellu. Bakgrunnur hennar er að mestu í ferðaþjónustu: Hún hefur unnið á hótelum t.d. á Hallormsstað, á Hellu og í Reykjavík og tekið þátt í fjölbreytilegum verkefnum á þeim vettvangi m.a. uppbyggingu nýs hótels á landsbyggðinni, Stracta Hóteli á Hellu. Þá hefur hún unnið að endurskipulagningu og breytingum á rótgrónu hóteli, Hótel Holti, hvar hún hefur unnið í markaðs- og sölumálum síðustu tvö ár. 

Alda Marín er menntuð í ferðamálafræði og bókmenntafræði en auk þess er hún stúdent frá Fjölbrautaskóla Suðurlands á Selfossi og hefur jafnframt stundað nám við HHallormsstaðaskóla. 

Hún mun hefja störf á næstu vikum og verður með aðsetur á Borgarfirði eystri.