„Það er mikilvægt fyrir alla að upplifa stolt gagnvart sínum heimahögum og það eykur seiglu samfélagsins ef sjálfsmynd okkar er sterk. Við erum betur í stakk búin að takast á við áföll og það er líklegra að fólk sæki aftur heim að loknu námi upplifi það sig sterkt sem Austfirðinga og að heimaslóðirnar hafi upp á eitthvað að bjóða.“
Þetta er meðal þess sem Stefán Bogi Sveinsson, formaður svæðisskipulagsnefndar SSA, segir í viðtali sem birt er á hlaðvarpsrás Austurbrúar, Austurland hlaðvarp, þar sem til umfjöllunar er svæðisskipulag Austurlands.
Unnið hefur verið að því hörðum höndum síðustu mánuði og Haustfundur SSA, sem haldinn var föstudaginn 19. nóvember, var að mestu helgaður umræðum um skipulagið. Gert er ráð fyrir að vinnu við það ljúki á næsta ári.
Hlusta á þáttFrá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn