Pólverji kennir íslensku
Mörg undanfarin ár hefur Austurbrú staðið fyrir íslenskukennslu fyrir útlendinga um allan fjórðung. Nú í vetur hefur staðið yfir tilraunverkefni á Fáskrúðsfirði þar sem kennarinn er pólskur en töluverð eftirspurn hefur verið eftir því fyrirkomulagi.
Kennari námskeiðsins, Aleksandra Rzeszowska, er menntaður tungumálakennari frá Póllandi. Hún hefur náð undraverðum árangri í íslensku þrátt fyrir að hafa aðeins verið búsett á Íslandi í rúmlega þrjú ár.
Námskeiðið er kærkomin viðbót við þá námskeiðaflóru sem þegar var í boði á vegum Austurbrúar í íslensku fyrir útlendinga. Samhliða því að læra grunnatriði íslenskunnar fá nemendur upplýsingar um íslenskt samfélag og þjónustu á sínu tungumáli. Námskeiðið greiðir götu pólskra innflytjenda og er gott veganesti fyrir frekara nám í íslensku.
Skoða íslenskunámskeið
Upplýsingar um íslenskunámskeið
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
