Fjölbreyttir og fjörugir tónleikar á Seyðisfirði
Sumartónleikaröðin Bláa kirkjan er metnaðarfullur menningarviðburður sem er orðinn fastur í sessi í viðburðaflóru og menningarframboði Austurlands.
Sumartónleikaröð Bláu kirkjunnar 2022
Dagskrá Sumartónleikaraðar Bláu kirkjunnar liggur fyrir en að venju verður boðið upp á fjölbreytta og fjöruga dagskrá. Eftir tvö ár þar sem heimsfaraldur setti strik í reikninginn er það von tónleikahaldara að nú verði tónleikahaldið með hefðbundnara sniði.
Alþjóðlegir listamenn
Á tónleikunum í sumar verður reynt að höfða til sem flestra. Boðið verður upp á klassíska tónlist, þjóðlagatónlist, popptónlist og ýmislegt fleira. Að venju er val á listamönnum alþjóðlegt og að þessu sinni koma þeir víða að t.d. frá Skotlandi, Austurríki, Englandi en auðvitað eru flest atriðin ættuð frá Íslandi þar á meðal eitt frá Austurlandi. Dagskrána má finna inni á vef Bláu kirkjunnar.
Nánar
Innsýn í menningarheima
Sumartónleikaröðin Bláa kirkjan er metnaðarfullur menningarviðburður sem er orðinn fastur í sessi í viðburðaflóru og menningarframboði Austurlands. Tónleikaröðin var stofnsett árið 1998 af Muff Worden tónlistarkennara og Sigurði Jónssyni tónlistarmanni. Tónleikaröðin hefur starfað óslitið síðan og hefur tvíþætt hlutverk: Annars vegar að bjóða upp á fjölbreytta tónlist í hágæða flutningi á Austurlandi en ekki síður að vera mikilvæg leið til að veita ferðamönnum innsýn inn í íslenska menningu og menningarstarf.
Þakkir!
Sumartónleikaröð Bláu kirkjunnar árið 2022 hefur notið stuðnings frá Uppbyggingarsjóði Austurlands, sveitafélaginu Múlaþingi og Síldarvinnslunnar.
Nánari upplýsingar
Verkefnastjóri Bláu kirkjunnar hjá Austurbrú.
Jón Knútur Ásmundsson
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
