Um starfið

Austurbrú auglýsir eftir sérfræðingi til að leiða verkefni á sviði tölvukerfa, gagna og skjalamála innan stofnunarinnar. Starfið felst í teymisvinnu við rekstur og áframhaldandi uppbyggingu á stafrænu umhverfi stofnunarinnar og bestun hugbúnaðarflórunnar hverju sinni. Í starfinu felst umsjón og framkvæmd verkefna tengd tæknilausnum og tölvukerfum, upplýsingamiðlun, ráðgjöf, stefnumótun og umsjón gagnamála.

Við leitum að einstaklingi sem býr yfir góðri reynslu af notkun Office365 lausna, er skipulagður og á auðvelt með að skapa yfirsýn yfir þarfir og möguleika varðandi tæknilausnir, gögn og skjölun. Verkefnastjórinn mun sinna þarfagreiningum, viðhaldi og innleiðingu á hugbúnaði, tæknilegum útfærslum, s.s. við gerð mælaborða í Power BI sem og þróun UT kerfa. Að auki er mikilvægt er að viðkomandi hafi áhuga á að vinna í hóp og eigi auðvelt með að starfa með öðrum.

Ef þú vilt vinna á faglega krefjandi og skemmtilegum vinnustað með tæknilausnir, kerfi, gögn og skjalastjórn sem meginviðfangsefni, þá er þetta starfið fyrir þig.

Umsókn skal fylgja

• Ferilskrá
• Kynningarbréf
• Greinargerð um þekkingu og reynslu af umsjón tölvukerfa og tæknilausna
• Upplýsingar um meðmælendur

Gögnin skal senda til Tinnu Halldórsdóttur, yfirverkefnastjóra innri mála: [email protected]

Umsóknarfrestur er til og með 16. júní.

Óskað er eftir að viðkomandi geti hafið störf sem fyrst. Verkefnastjóri getur haft aðsetur á þeirri starfsstöð Austurbrúar sem hann kýs en búseta á Austurlandi er skilyrði. Laun eru greidd samkvæmt kjarasamningi Sambands íslenskra sveitarfélaga og Fræðagarðs.

Austurbrú er þverfaglegur og krefjandi vinnustaður sem er leiðandi í stoðþjónustu á Austurlandi hvað varðar atvinnulíf, menntun, byggðaþróun og menningu. Starfsstöðvarnar bjóða góða aðstöðu og aðbúnað. Austurbrú hefur hlotið jafnlaunavottun og er EQM vottuð stofnun á sviði fræðslumála.

Ábyrgðarsvið

• Umsjón með rekstri tölvukerfa og tæknilausna
• Ráðgjöf og stuðningur vegna innleiðingar og notkunar Microsoft Office 365 lausna
• Umsjón með gagnaumhverfi stofnunarinn og gerð greininga í Power BI
• Útfærsla skjalalausna stofnunar
• Stefnumótun og innleiðing verkfæra
• Samskipti við hagaðila og stofnanir
• Teymisvinna

Kröfur

• Háskólamenntun sem nýtist í starfi, s.s. tölvunarfræði, kerfisfræðimenntun og þekking á  gagnagreiningum og högun gagna
• Þekking og reynsla af uppsetningu og rekstri Microsoft Windows stýrikerfa, Power BI og notkun Microsoft Office 365 lausna
• Þekking á helstu öryggisógnum upplýsingakerfa og viðeigandi fyrirbyggjandi aðferðum
• Reynsla af verkefnastjórnun og þekking á verkefnastjórnunarverkfærum
• Færni í úrlausn vandamála og greiningarhæfni
• Þekking á högun gagnaumhverfis og gagnagæðum
• Þekking á gerð skýrslna og greininga í Power BI
• Framúrskarandi samskiptahæfni
• Frumkvæði og sjálfstæði til verka
• Leiðtogahæfni