Laust starf: Umsjón starfsstöðvar á Egilsstöðum
Er þjónustulundin góð? Áttu auðvelt með að vinna fjölbreytt verkefni? Ertu fær í samskiptum og átt auðvelt með að aðlagast nýjum verkefnum?
Austurbrú leitar eftir starfsmanni í 50% starf til að sinna verkefnum sem tengjast umsýslu starfsstöðvarinnar á Vonarlandi á Egilsstöðum. Starfsmaðurinn mun sjá um daglega umsjón húsnæðis s.s. innkaup, þrif, aðstoð við verkefnastjóra stofnunarinnar og umsjón og skipulag vegna námskeiða- og fundahalds stofnunarinnar. Umsjón með bifreiðum, búnaði og endurvinnslu. Viðkomandi þarf að búa yfir framúrskarandi þjónustulund,
hæfni til að bregðast við ýmsum uppákomum og aðlagast hratt breytingum.
Helstu verkefni og ábyrgð
- Umsjón með húsnæði og bifreiðum
- Þrif og tiltekt á starfsstöð
- Innkaup
- Umsýsla með námskeiðum, s.s. uppröðun og veitingar
- Samskipti við verkefnastjóra
- Ýmis tilfallandi verkefni sem koma upp í daglegum rekstri
- Önnur verk sem starfsmanni eru falin af verkefnastjórum og stjórnendum
Menntunar- og hæfniskröfur
- Framúrskarandi samskiptahæfni
- Jákvæðni og lausnamiðun
- Tölvufærni
Fríðindi í starfi
- Góður aðbúnaður
- Sveigjanlegt starfsumhverfi
- Stytting vinnuviku
- Jafnlaunavottun
Umsókn skal fylgja
- Ferilskrá
- Kynningarbréf
- Upplýsingar um meðmælendur
Gögnin skal senda Tinnu Halldórsdóttur, yfirverkefnastjóra innri mála, [email protected]
Umsóknarfrestur er til 28. ágúst.
Laun eru greidd samkvæmt kjarasamningi Sambands íslenskra sveitarfélaga og AFLs. Óskað er eftir að viðkomandi geti hafið störf sem fyrst.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
