Markmið gestanna var að kynna tækifæri sem bjóðast innan evrópskra og norrænna styrkjaáætlana, svo sem Erasmus+, áætlunar ESB fyrir öll skólastig og æskulýðsmál, Creative Europe, kvikmynda- og menningaráætlunar ESB, Nordplus, menntaáætlunar Norrænu ráðherranefndarinnar, og Uppbyggingarsjóðs EES auk þess sem fleiri leiðir til evrópsks samstarfs voru kynntar.

„Það er greinilegt að miklir möguleikar eru til að sækja sér fjármagn til fræðsluferða og efla tengslanetið,“ segir Signý Ormarsdóttir hjá Austurbrú sem segist vona að til verði áhugaverðar ferðir og verkefni á Austurlandi í kjölfar heimsóknarinnar.

Fundurinn þótti var hann vel sóttur af Austfirðingum en yfir fjörutíu manns voru á honum, þar af tíu í fjarfundi. Hægt var að eiga samtal við gestina frá Rannís eftir fund og nýttu það nokkrir en þátttakendur voru m.a. frá sveitarfélögum, menningarstofnunum og skólum.

Hér má hlýða á upptöku af fundinum.