Námskeið um næringu og mataræði
Í þessari viku verður Norðfirðingurinn Berglind Lilja Guðlaugsdóttir stödd á Austurlandi. Berglind er klínískur næringarfræðingur, doktorsnemi og aðjúnkt í næringarfræði við Háskóla Íslands. Hún mun halda námskeið sem fjalla um næringu og mataræði, m.a. fyrir Loðnuvinnsluna á Fáskrúðsfirði, Síldarvinnsluna í Neskaupstað og starfsfólk stoðþjónustu Fjarðabyggðar en Austurbrú heldur utan um fræðsluáætlanir þessara fyrirtækja og stofnana.
Berglindi finnst gaman að koma á æskuslóðirnar og spjalla við heimamenn um allt sem tengist mat og næringu og með því fá að deila þekkingu sinni um málefnið. Henni finnst einnig ánægjulegt að Austfirðingar sýni næringu og mataræði aukinn áhuga og átti sig á mikilvægi þess þegar kemur að heilsusamlegu líferni.
Austurbrú veitir fyrirtækjum og stofnum margvíslega þjónustu, m.a. miðlar og skipuleggur nám, framkvæmir greiningar á menntunarþörf, hannar fræðsluáætlanir og annast skipulag námskeiða.
Nánari upplýsingar
Úrsúla Manda Ármannsdóttir
Neskaupstaður
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
