Á fjórða tug ferðaþjónustuaðila af Austurlandi tóku þátt í velheppnaðri vinnustofu um vöruþróun sem miðar að því að nýta tækifæri í tengslum við millilandaflug til Norður- og Austurland.
Vinnustofan, sem haldin var í gær í Sláturhúsinu á Egilsstöðum, er hluti verkefnisins Straumhvarfa en samtök sveitarfélaga og markaðsstofur á Norður- og Austurlandi standa saman að verkefninu. Auk Egilsstaða hafa verið haldnar vinnustofur á Blönduósi, Eyjafjarðarsveit og Bakkafirði.
Á vinnustofunum var farið yfir stöðuna í ferðaþjónustu á svæðinu, greiningu á mörkuðum og gestum, og var vöruþróunarþátturinn byggður á því. Vöruþróunin miðaði að því að auka framboð á vörum í ferðaþjónustu t.d. gistingu og afþreyingu, hvetja til aukinnar samvinnu á svæðinu og lengja ferðamannatímann.
Unnið verður úr vinnustofunum fjórum og þematengd framhaldsvinnustofa haldin fyrir lok nóvember.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn