Vel heppnaður fundur
Í gær var haldinn vel heppnaður fundur á Egilsstöðum um atvinnuuppbyggingu og þróun íbúðamarkaðar á Austurlandi. Fundurinn var vel sóttur og umræðurnar góðar. Farið var yfir stöðuna á íbúðamarkaði, stafræn byggingarleyfi, nýsköpunarstyrki, hagkvæmni og skilvirkni í íbúðauppbyggingu og þau lánaúrræði sem standa til boða bæði hvað varðar rekstur og uppbyggingu íbúða í landsbyggðunum.
Opnir fundir um land allt
Það voru Byggðastofnun, HMS, háskóla-, iðnaðar- og nýsköpunarráðuneytið, Samtök iðnaðarins og landshlutasamtökin sem stóðu fyrir fundinum og fram komu Elmar Erlendsson framkvæmdastjóri hjá HMS, Hugrún Ýr Sigurðardóttir verkefnastjóri hjá HMS, Pétur Friðjónsson, sérfræðingur á fyrirtækjasviði Byggðastofnunar, Lóa Auðunsdóttir, sérfræðingur hjá HVIN, Friðrik Ágúst Ólafsson viðskiptastjóri hjá SI og Dagmar Ýr Stefánsdóttir framkvæmdastjóri Austurbrúar sem jafnframt stýrði fundi. Fundurinn í gær var hluti af fundaröð sem hófst í Borgarnesi 14. nóvember og endar í næstu viku í Reykjanesbæ.
Erindi - glærur
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
